Virkandi forsætisráðfrúan í Danmark, Mette Frederiksen, sendir eina tøkk til partarnar, sum hon seinastu mongu vikurnar hevur samráðst við um nýggja stjórn.
– Nógvar vikur við samráðingum um nýggja stjórn endaðu í gjár. Tíverri skrivar hon.
Eftir fólkatingsvalið í mars varð Mette Frederiksen vald til kongligan kanningarstjóra og stóð sostatt á odda fyri samráðingunum um nýggja stjórn.
Men fríggjadagin varð stafettin latin formanninum í Vinstra, Troels Lund Poulsen.
– Eg ynski sjálvandi Troels alt tað besta við arbeiðinum komandi tíðina, skrivar hon.
Tað var leiðarin hjá Moderatunum, Lars Løkke Rasmussen, sum fríggjadagin segði, at eftir methøgar stjórnarsamráðingar, helt hann, at leiðarin í Vinstra í staðin skuldi vera kongligi kanningarleiðarin.
Eftir kongaliga umfar í gjarkvøldið gjørdist Troels Lund Poulsen offisielt nýggjur kongaligi kannara.
Hann fer at royna at skipa eina stjórn, sum hvørki fevnir um Sosialdemokratarnar ella Moderatarnar.
87 sessir eru aftanfyri Troels Lund sum kongliga kannara, í mun til 84 sessir aftanfyri Mette Frederiksen.
– Eg eri framvegis virkandi forsætisráðfrú og fari sjálvandi at gera mítt arbeiði fyri okkara frálíka land og fyri øll tykkum, sum búgva her, skrivar Mette Frederiksen á Facebook.
Hetta er fyrstu ferð í fleiri áratíggju, at tørvur er á fleiri vitjanum hjá regentinum, áðrenn nýggj stjórn kann skipast.
Kongligi kannarin er tann politikarin, sum stendur á odda fyri samráðingunum um at skipa nýggja stjórn.
Óvist er í morgun, nær nýggjar stjórnarsamráðingar væntandi byrja.
Fyrrverandi metið fyri longstu stjórnarskipan var eftir valið í 2022, tá tað gingu 42 dagar, áðrenn Mette Frederiksen kundi boða frá, at nýggj stjórn var skipað.
Leygardagin verða tað 46 dagar síðani, at danir fóru á val at skipa nýggja fólkatingið.
/Ritzau/
