Tá City Church samkoman kom á Brúnna í Skálavík í dag klokkan 12.30, var reyður løbari lagdur fyri samkomuna, sum taldi yvir 200 fólk.
Áðrenn farið varð inn í salin, varð borðreitt við góðum døgurða fyri samkomuni í matarsalinum.
Í City Church siga tey, at tey bæði eru rørd og takksom fyri alla ta uppmuntran, sum samkoman hevur fingið hesar seinastu dagarnar.
- Í øllum kendist tann friður, sum ber av øllum friði hjá okkum, siga tey í City Church, sum høvdu ein góðan dag í Skálavík í dag.
Her sungu tey lovsong og fingu kunning um støðuna, sum samkoman er komin í, nú eldur hevur verið í samkomuhúsinum í Havn.
Í komandi viku verður gjørt av, hvar City Church skal hava møtir og sunnudagskúla, meðan bíðað verður eftir, at húsið verður klárt aftur.
##med2##
##med3##
##med4##
##med5##
