Tað er Sosialurin, sum gevur hetta nýggja blaðið út - nevnt Mánaðarblaðið.
Endamálið er sjálvandi at røkka út til hvørt húski landinum í minsta lagi eina ferð um mánaðin.
Talan er um eitt blað, sum umframt lýsingar- og kunningartilfar eisini hevur heimlig og útlendsk smátíðindi. Tosað verður við kendar føroyingar, har eru tips um nýggjar bøkur, fløgur og filmar, leiðbeiningar um vín til matin og høvið, har tilfar um móta, um bilar og um fyritøkur.
Við mánaðarblaðnum hevur Miðlahúsið í Vágsbotni enn ein miðlapall til sítt virksemi. Nú hevur Miðlahúsið dagblaðið Sosialin, Rás2, tíðindini á Portalinum og eitt ókeypis blað í hvørt hús.
- Hetta er fyri at kunna nøkta allan tørv hjá lýsarum og lesarum, sigur Eirikur Lindenskov, blaðstjóri á Sosialinum.
