- Nú ber aftur til at melda seg til heilsufótbólt, heystskeiðið.
Soleiðis siga tey í Klaksvíkar kommunu í dag.
Lagt verður aftrat, at venjingarnar verða týsdag og hósdag klokkan 16.20.
- Aftur hesaferð verða tað Marjun Kalsø og Eydna Thomsen, sum fara at standa á odda fyri venjingunum, og báðar venjingarnar eru á Djúpumýru.
Lagt verður aftrat, at tilboðið er ætlað øllum teimum, sum eru 60+, og øll, sum melda seg til, sleppa at luttaka.
Á heimasíðuni www.klaksvik.fo verða greitt nærri frá um kostnað, og hvussu venjingarnar annars verða skipaðar.
Heilsufótbólturin byrjaði sum ein verkætlan, men hevur síðan verið bjóðað út sum eitt kommunalt tilboð, skipað í tøttum samstarvi KÍ.
- Tilboðið hevur longu trý ár á baki, siga tey í Klaksvíkar kommunu í dag.
