Fríggjadagin 4. og leygardagin 5. september verður Johannudagurin aftur hildin í Vági.
- Í tveir dagar verða Vágs havn og Vágsfjørður karmur um tiltøk fyri bæði børnum og vaksnum.
Í Vágs kommunu siga tey, at tiltakið byrjar fríggjakvøld við Syngið-við umborð á Johonnu, og leygardagin verður nógv á skránni allan dagin.
- Um viðrar, koma træseglskipini, Thorshavn, Dragin og Westward Ho á vitjan, og sjálvandi liggur okkara Johanna TG326 eisini við kai.
Lagt verður aftrat, at grindabátarnir fara á fjørðin, kappróðrarbátar kappast, og børnini kunnu fara á skattaveiðu við sjórænarunum.
- Og ikki minst verður stórt vatnkríggj á skránni.
Í Vági siga tey, at nógv ymiskt verður á skrá hesar báðar dagarnar, og øll skráin kann lesast um heimasíðuna - www.vagur.fo
Johannudagurin endara leygarkvøldið 5. september við bryggjudansi í Vági, har Vinmenn fara at spæla.
Tað eru felagið Johanna TG 326, Vágs kappróðrarfelag og Vágs kommuna, sum fyriskipa Johannu-tiltakið í Vági.
