Í Sørvági byrja tey nú aftur at venja heilsufótbólt, og venjingarnar verða í fimleikarhøllini í Sørvágs skúla.
- Heilsufótbóltur er fyri borgarar 60+, og vant verður týskvøld frá klokkan 18-19, siga tey í Sørvágs kommunu í dag.
Men, hvat er heilsufótbóltur?
- Heilsufótbóltur er ikki nakað nýtt fyribrigdi, men hevur áður ikki verið beinleiðis málrættaður til hendan aldursbólkin.
Í Sørvágs kommunu vísa tey á, at tað, sum eyðkennir heilsufótbólt, er, at spælt verður á smærri økjum og í smærri bólkum.
- Hetta er sostatt ein øðrvísi háttur at spæla fótbólt, og lagt verður veruliga upp til, at øll kunnu vera við – roynd, sum óroynd
