Tað er ikki fallið í góða jørð hjá venjaranum hjá Manchester United, at Robin van Persie hevur verið úti við rívini, eftir at Ole Gunnar Solskjær smíltist í samrøðu eftir 2-0 ósigurin fyri Arsenal.
Robin van Persie, ið hevur umboðað bæði Arsenal og Manchester United sum spælari, er í dag viðmerkjari hjá Sky Sports. Hann skifti frá Arsenal til Manchester United, har hann fekk gamla talið hjá núverandi venjaranum, Ole Gunnar Solskjær.
##med2##
Fyrrverndi hollendski áleyparin helt fyri í sjónvarpsstovuni, at tað líktist ongum at Ole Gunnar Solskjær smíltist til samrøðurnar eftir dystin móti Arsenal, sum Manchester United tapti 2-0. Nú hevur norski venjarin og fleirfaldi Premier League vinnarin við 20-talinum á rygginum svarað aftur.
##med3##
- Eg kenni ikki Robin, og Robin kennir ikki meg. Hann hevur nokk ikki rætt til at fílast á mín leiðarastíl og eg ætli ikki at broyta nakað. Robin tók mína troyggu, og tað verður nokk eisini alt hann tekur frá mær, segði Ole Gunnar Solskjær á tíðindafundi.
Venjarin hjá Manchester United hevði afturat, at vit liva ikki í fornaldartíð. Her meta bretskir miðlar, at Ole Gunnar Solskjær meinti við, at slíkur leiðarastílur, sum Robin van Persie ynskir, ikki riggar longur.
