-Tá ið vit tosa um vøkstur, er neyvan nakað, sum hevur størri týdning, enn at økja grønu orkuna. Vit hava orðað uppskot til nýggjan orku- og veðurlagspolitikk, sum við 25 ítøkiligum átøkum skal tálma oljunýtsluni.
-Tað skulu stór tøk takast í orkuframleiðsluni, og her skulu fleiri til at bera byrðarnar. Tað krevst tó fult gjøgnumskygni, skulu vit tryggja neyðugu kappingina og menningina á orkuøkinum. Í løtuni arbeiða vit saman við SEV um at finna bestu loysnina. Arbeiðið er komið væl áleiðis, og vit leggja nýggja lóg fyri tingið í heyst, segði Bárður á Steig Nieelsen, løgmaður í ólavsøkurøðu síni.
Nýggjastu tølini vísa, at vit eru komin stutt á leið við orkuskiftinum og at útlátið av CO2 framvegis veksur.
Torført tykist eisini at fáa nóg mikið av varandi orku, tí nógvar forðingar eru á vegnum. Til dømis tekur tað munandi longri tíð enn ætlað, at fáa vindmyllur settar upp.
Men sum løgmaður sigur, arbeitt verður saman við SEV at finna bestu loysnina.
