– Vit hava havt óformligar fundir við Kommunala Arbeiðsgevarafelagið og lønardeildina í Fíggjarmálaráðnum, har vit hava umrøtt ymisk evni, sum kunnu verða partur av komandi samráðingunum. Men vit hava ikki handað okkara krøv enn, sigur Sanna á Løgmansbø, forkvinna í Føroya Pedagogfelag við Kringvarpið.
Sambært henni hevur Pedagogfelagið einki ímóti lønarkarminum, sum 12 fakfeløg og Fíggjarmálaráðið hava avtalað. Karmurin gevur ein lønarvøkstur upp á 3,87 prosent fyri tíðarskeiðið frá 1. oktober í fjør til 30. september í ár.
– Vit eru ikki partur av avtaluni, men vit hava einki ímóti karminum, sigur Sanna á Løgmansbø, sigur hon við Kringvarpið.
Forkvinnan ivast tó í, um veruligar samráðingar fara í gongd, áðrenn summarfrítíðin byrjar.
