Breiðir ófriðurin seg til Saudi Arabia, so kann tað fáa álvarsamar avleiðingar fyri oljuprísin. Saudi Arabia stendur fyri 10 prosentum av oljuframleiðsluni í heiminum.
- Avleiðingin av ófriði í Saudi Arabia kann verða, at oljuprísurin hækkar til 150 dollarar fyri fatið. So kunnu vit fáa bensinprísir á 14-15 krónur fyri liturin, sigur Christian Tuxen, greinari hjá Danske Bank, við Ritzau.
Metprísurin fyri fatið av olju er frá 2008, tá ið fatið kostaði umleið 145 dollarar í styttri tíð.
