Teis Horn Rasmussen legði í kvøld aftrat teimum góðu føroysku hondbóltsavrikunum.
Teis og liðfelagarnir í Ribe-Esbjerg vunnu týðandi sigur í heimadysti í bestu donsku hondbóltsdeildini.
Í Blue Water Dokken høllini í Esbjerg vann Ribe-Esbjerg 32-31 á Mors-Thy.
Teis var effektivur. Hann fekk tríggjar málmøguleikar, og hann setti allar í netið. Harumframt legði Teis eisini upp til eitt mál.
Ribe-Esbjerg er nummar níggju í deildini við 13 stigum. Ribe-Esbjerg er eitt stig frá áttanda plássinum, ið gevur atgongd til endaspælið aftaná lokið grundspæl. Á sjeynda og áttanda plássinum hava HØJ og Sønderjyske 14 stig hvør.
Komandi týsdag klokkan 17.30 spælir Ribe-Esbjerg dyst á útivølli móti Bjerringbro/Silkeborg.
