Amerikanski sjónleikarin og komikarin Richard Lewis er deyður.
Hetta skriva amerikanskir miðlar í kvøld.
Richard Lewis gjørdist 76 ára gamal.
Í 2023 boðaði Lewis frá, at hann hevði Parkinsons sjúkuna.
Hann fekk ein hjartasteðg týsdagin.
Í 2023 boðaði Lewis frá, at hann hevði Parkinsons sjúkuna.
Sjónleikarin er í nýggjari tíð kendur fyri sín leiklut í undirhaldsrøðini "Curb Your Enthusiasm". Her spælir hann leiklutin sum ein av besti vinmonnunum hjá Larry David, sum er høvuðspersónurin í seriuni.
12. sesong av røðini "Curb Your Enthusiasm" er annars júst byrjað fyri fáum vikum síðani.
Umframt hetta hevur Richard Lewis verið við í fleiri øðrum sjónvarpssendingum. Men hann gjørdist av byrja við serliga kendur fyri at skemta sum stand-up komikari, og tað hevur hann gjørt í nógv ár.
