Manchester United skal aftur hava nýggjan høvuðsvenjara.
Portugisiski, Ruben Amorim sum bert hevur havt starvið í 14 mánaðir hevur fingið fótin. United er 18 stig aftanfyri oddaliðið í Premier League, Arsenal. Hetta boðar felagið frá í morgun.
Fyrrverandi leikarin, núverandi U18-venjarin, Darren Fletcher verður fyribils venjari komandi tíðina.
Amorim er høvuðsvenjarin við fægst sigrum síðani Sir Alex Ferguson legði frá sær í 2013. Amorim vann 36,9 prosent av dystunum.
15. plássið í Premier League í undanfarna kappingarári var ringasta endastøðan hjá United síðani 1974. Tapið fyri Tottenham í Europa League finaluni sveið eisini djúpt.
