- Tað er ein óvani bæði í heilsuverkinum og í almannaverkinum, at man brúkar alt ov nógv tímalønt starvsfólk, sigur Óluva í Gong, forkvinna í felagnum Føroyskir Sjúkrarøktarfrøðingar.
Hon heldur, at hesi fólkini eiga at fáa føst størv, sigur hon, tí størvini eru har.
- Hetta eru ung konufólk vit snakka um, og tey eru, sum øllum kunnugt, ein mangulvøra í Føroyum. Tað, sum ein eigur at gera við hesi fólkini, er at rulla ein reyðar løbara út og bjóða teimum til arbeiðis í fast starv beinanvegin, soleiðis at man knýtir tey til tann føroyska arbeiðsmarknaðin.
Avleiðingin av, at fólk vera gangandi í tímaløntum starvi, heldur enn at fáa fast starv er, at talið av sjúkrarøktarfrøðingum fækkast. Fólk fara av landinum ella taka aðrar útbúgvingar.
Óluva í Gong peikar á, at í framtíðini fara sjúkrarøktarfrøðingar at vera tey, sum bera heilsuverkið í stóran mun, tí vit hava longu nú trupulleikar við at fáa nokk av serlæknum til Føroyar.
Trýst á pílin undir myndini fyri at hoyra samrøðuna við Óluvu í Gong.
Les eisini Eingi fólk til lívsneyðug størv í Føroyum
Les eisini Rýma úr Føroyum at arbeiða fyri dupulta løn
