Orsøkin er, at Ruth Vang skal í sóttarhald, tí hon hevur verið í samband við persón, sum er staðfestur positivur við koronu.
– Eg veit ikki reiðiliga, hvussu leingi eg skal vera sóttarhaldi, men eg skal kannast í morgin, sigur Ruth Vang.
Hon hevur ikki verið í sambandi við landslæknan og veit tí ikki, um talan er um tvungið sóttarhald. Men greitt er, at hon verður ikki á tingfundi í morgin.
Næsta fólk á listanum hjá Framsókn er Hanna Jensen í Gøtu, sum helst møtir fyri Ruth Vang á tingfundinum í morgin.
