Sørvingar í steypafinaluni

SÍ, sum fyrr í heyst vann FK-kappingina, hevði møguleikan at spæla seg beinleiðis í steypafinaluna, um tað eisini eydnaðist at vinna Føroya Banka-kappingina. Tann kjansin tók SÍ, so tí verða í minsta lagi tvey lið úr Vágum í steypafinalunum

Hilmar Jan Hansen

18.01.2010 (13:04)

<style type="text/css">  </style>  Vágar eru sera væl umboðaðar í fremstu røð í flogbólti, har bæði SÍ og Dráttur hava lið í Eik-liguni hjá kvinnum, umframt at SÍ hevur lið í Eik-liguni hjá monnum. Og sum støðan er nú, er SÍ í øllum førum væl umboðað í steypafinalunum, sum verða í Havn 20. februar, og spurningurin er so, um Dráttur eisini skal megna at spæla seg í kvinnufinaluna, sum so verður ein rein Vága-finala. <p class="MsoNormal">Nú Mjølnir um vikuskiftið skipaði fyri Føroya Banka-kappingini, gekk tað sum fótur í hosu hjá SÍ-monnunum, ið struku ósigraðir gjøgnum alla kappingina. Hjá monnunum vóru bara fýra lið við, so tí var hon avgreidd í einum bólki, har SÍ og Fleyr gjørdust tey bæði fremstu liðini, sum tí skuldu spæla finalu.</p> <p class="MsoNormal">Eyka bonus í finaluni var atgongd til sjálva steypafinaluna, og har hevði SÍ ein trumf liggjandi, tí liðið fyrr í heyst vann FK-kappingina. Eydnaðist at vinna aftur nú, var finalusessurin tryggjaður. Um tað hinvegin gjørdist Fleyr, ið vann, skuldu SÍ og Fleyr spælt ein altavgerandi dyst aftrat mikukvøldið um steypafinalusessin.</p> <p class="MsoNormal">Mjølnir, sum skipaði fyri kappingini um vikuskiftið, slapp ikki at hava sítt manslið við, tí reglurnar siga, at liðini, sum eru komin í steypafinaluna umvegis oddasess fyrr í landskappingini, sleppa ikki at spæla við her. Tí vóru heldur ikki kvinnurnar hjá SÍ at síggja aðrastaðni, enn á áskoðaraplássunum, har sørvingar vóru serstakliga væl mannaðir til mansfinaluna í gjár.</p> <p class="MsoNormal"><o:p> </o:p> <p class="MsoNormal">SÍ-Fleyr 3-0<o:p></o:p> <p class="MsoNormal">(25-18, 25-16, 28-26)<o:p></o:p> <p class="MsoNormal">Hóast nógv stóð upp á spæl, so gjørdist tað ikki fyrr enn ímóti endanum á triðja setti, at eitt sindur av spenningi kom í finaluna millum SÍ og Fleyr. Eftir at SÍ hevði vunnið tey bæði fyrru settini sannførandi, var Fleyr nógv betur við í triðja setti, ið eisini til fulnar vísti, at tá hesi bæði liðini spæla upp til sítt besta, er torført at taka dagar ímillum tey.</p> <p class="MsoNormal">Fleyr gekk undan ta fyrstu løtuna, men aftan á 11-11 gekk javnt á allan vegin uppeftir. Fleyr var við leiðsluni 24-23 fyrra liðið at hava settbólt, men síðani skiftust liðini at kunna avgera, til tað at enda var SÍ, ið fór avstað við settinum og sigrinum.</p> <p class="MsoNormal">Tað var so tann spenningurin, tí – sum sagt – var SÍ nógv betri tey bæði fyrru settini. Bara fyrstu løtuna í fyrsta setti var javnt, men so fór SÍ avstað og vann trygt. Og í øðrum setti fekk Fleyr slett einki gjørt við SÍ, ið spældi sera væl og fekk alt at bera til, og samanlagt var eingin ivi um, at tað var klárt betra liðið, ið vann finaluna og uppiborið slapp í steypafinaluna.</p>

Sørvingar í steypafinaluni

Mest lisið

Myndir: Eldur í sethúsum í Hornabø

Eldur í sethúsum í Hornabø

Løgreglan heldur at øll sluppu út úr húsunum

- Hetta fer at taka í minsta lagi ein tíma aftrat

Burturvístur á skeinkistaði

Trump fer at ringja til Putin eftir fundin við Zelensky

Samuel og liðfelagarnir vunnu stórsigur

Tvey ára gamalt barn doyði í russiskum dronuálopi

Rektarin við 262 nýggj lesandi: – Haldið fast í forvitninum!

Landssjúkrahúsið fær fjarhita