Landsliðsmálverjin, Aleksandar "Sasja" Lacok og liðfelagarnir í TSV St. Otmar St. Gallen spældu í dag fjórðingsfinalu í sveisiskari steypakappingini.
Dysturin var leiktur á útivølli móti CS Chênois Genève Handbal, ið spælir í næstbestu sveisisku deildini.
Genève gav St. Gallen skarpan gang, og í steðginum vóru Sasja og liðfelagarnir bert á odda við einum máli, 16-15. Tað hilnaðist tó munandi betri hjá St. Gallen í seinna hálvleiki, og teir vunnu at enda 36-29.
Sasja bjargaði fimm av 25 málroyndum. Kappingarneytin, Jochum Philipp bjargaði einari av níggju málroyndum.
Hini trý liðini sum hava vunnið seg í hálvfinalurnar eru hondbóltsrisin, Kadetten Schaffhausen, Pfadi Wintherthur, og sensasjónsliðið, Stans úr triðbestu deildini.
