Tað skrivar Betri Banki, sum vísir á, at tað serliga vóru tey smærru økini, sum hækkaðu lutfalsliga mest í 2021.
Í Eysturoy, Vágum og Suðuroy hækkaðu prísirnir millum 19,5 og 25 prosent, meðan hækkingin var ávíkavist 12 prosent og 9 prosent í høvuðstaðarøkinum og í Klaksvík.
Miðalprísurin fyri eini sethús í høvuðstaðnum er nú komin upp á 3,7 milliónir krónur, meðan miðalprísurin fyri Føroyar var 2,3 milliónir krónur í 2021. Í Eysturoynni vóru tað serliga einkultar sølur rundan um Eysturoyartunnilin sum ávirkaðu miðalprísin. Eini miðal hús kosta nú á leið 1,9 milliónir krónur í Eysturoy, og er hetta ein hækking á 25 prosent í mun til miðalprísin í 2020.
Meðan onnur privatbúskaparlig viðurskifti hjá húsarhaldum ikki eru broytt nevnivert, er bústaðarbyrjan framvegis vaksandi.
Bústaðarbyrðan í Tórshavn er í løtuni 34 prosent. Í Eysturoynni er bústaðarbyrðan 19 prosent og fyri Føroyar er talið 23 prosent. Hetta svarar til ein miðal vøkstur á 3 prosentstig samanborið við 2020.
Bústaðarbyrðan lýsir hvussu stóran part av inntøkuni eftir skatt eitt par skal brúka, fyri at fíggja síni sethús.
##med2##
##med3##
