Higartil hevur Sheep View tiltakið hjá Visit Faroe Islands og Atlantic Airways vunnið nógvar virðislønir. Í Sosialinum í dag er yvirlit yvir flestu teirra – og tann síðsti kom í hús í franska filmsmiðdeplinum Cannes, har føroyska kampanjan varð heiðrað á »The Cannes Corporate Media & TV Awards«.
Hetta er árligt tiltak, sum heiðrar heims fínastu »corporate films, online media and TV productions« í einum av mest týðandi heimsins býum innan film, Cannes í Frankaríki.
Maria Canabal úr Frankaríki var í Cannes í gjárkvøldið og tók ímóti delfinini, sum myndar heiðurin, vegna Visit Faroe Islands og Atlantsflog í gjárkvøldið.
– Vit kenna okkum eitt sindur forkelaði við øllum hesum heiðrunum, sigur Guðrið Højgaard, stjóri á Visit Faroe Islands, sum sjálvandi fegnast um tað.
Næsta átakið hjá Visit Faroe Islands fer í gongd í næstum, tá at stjórin ikki vil fara í smálutir við tí. Spurningurin er so, um nýggja herferðin fer at fáa somu umrøðu kring heimin, sum Sheep View.
– Tað vænta vit ikki. Tá tú ert vorðin »heimsmeistari« einaferð, so roknar tú ikki við at endurtaka tað á hvørjum ári, sigur Guðrið Højgaard skemtandi.
Millum annað hesar heiðrar hevur átakið Sheep View vunnið higartil:
- Ársins Átak á Vinnudegnum 2016, Føroyar
- Felagið Føroysk Markaðarfólk, Føroyar
Besta marknaðarføringsátak
- Cannes Lions, Frakland
Eitt gull: PR
Eitt silvur: PR
Eitt bronsu: Cyber
- World Media Awards, UK Eitt gull: Travel & Tourism
- PR-tigeren, Danmark Eitt gull
- Stora PR-priset, Svøríki Eitt silvur
- Epica Awards, Holland
- Tvey silvur: Integrated og Virtual Reality
- Vega Awards, USA.
- Tvey gull: Effectiveness og Innovation Tvey silvur: Integrated og Branding
- Rambuk, Danmark
Trý gull: Effekt prisen, media innovations prisen og grand prix prisen - Clio Awards, USA
- Eitt gull: Medium Innovation (innovation) Tvey bronsu: Medium Integrated
campaign og Special Event (public relations - Creative Circle, Danmark
- Trý gull: PR-driven campaigns, Digitaldriven campaigns og Technology Driven Promo and Activation
Eitt silvur: Integrated campaigns - Danish Digital Awards, Danmark
- Tvey gull: PR og Integration – Marketing Campaigns
- Corporate Media & TV Awards, Cannes Eitt gull
- The Golden City Gate, Berlin Eitt gull
- Zagreb Tourfilm Festival 2017 Jurys special award
- ITFF-Bulgaria – Tourist film award
Google Sheep View (DK) | ||||||||||||
|
Meira sæst um heiðurslønirnar í Cannes í gjárkvøldið á www.cannescorporate.com/en/winners2017.php
