Tað er bara eitt ísfiskalínuskip til fiskiskap í løtuni. Teir eru nýliga byrjaðir túr og koma neyvan inn at landa fyrr enn í aðru viku.
Undir Føroyum eru í løtuni fimm frystilínuskip, og tvey eru í Grønlandi. Skipni fáa eina blanding av toski, hýsu, longu og brosmu.
Um útlitini til útróður, siga tey á Fiskamarknaði Føroya í dag, at streymurin verður brúkiligur alla næstu viku.
- Veðrið verður hampiligt fyrst í næstu viku, men versnar út á vikuna. Vit vænta tískil, at nakað verður av útróðri fyrst í næstu viku.
Lagt verður aftrat, at útróðrarbátarnir fáa mest av hýsu og nakað av toski, men fiskiskapurin er smáligur.