Tveir dystir vóru leiktir í SMS-deildini í dag.
Í Hoyvíkshøllini vann H71 ein greiðan 32-25 sigur á Kyndli við einum framúr góðum avriki í seinna hálvleiki. Í steðginum var javnleikur 15-15, men aftaná steðgin var heimaliðið greitt omaná. Jana Mittún og Maria H. Weyhe gingu undan hjá H71 við at skjóta 10 mál hvør í dag. Turið Arge Samuelsen skoraði eisini 10 mál í dag.
Kyndil er enn oddalið við 12 stigum. H71 hevur 11 stig, men hevur spælt tveir dystir færri enn Kyndil.
Í Vágshøll vunnu verandi FM-vinnarar, StÍF triðja dystin hetta kappingarárið tá tær vunnu 32-20 á VB. Longu í steðginum hevði StÍF eina greiða 19-9 leiðslu.
H71-Kyndil 32-25 (15-15)
Málskjúttar H71: Jana Mittún 10, Maria H. Weyhe 10, Rannvá Olsen 4, Vár B. Zachariassen 3, Sára Jacobsen 2, Brynhild Pálsdóttir 2, Elsa Egholm 1.
Málskjúttar Kyndil: Turið Arge Samuelsen 10, Súna K. Hansen 7, Bára K. Hansen 3, Barbara Hammer 2, Ró Nielsen 2, Ásleyg Súnadóttir 1.
VB-StÍF 20-32 (9-19)
Málskjúttar VB: Gurið K. Augustinussen 11, Rannvá Johannessen 3, Tórun Vilhelm 3, Durita K. Hjelm 2, Bára K. Mortensen 1.
Málskjúttar StÍF: Mao Otani 7, Guðrið Ellingsgaard 7, Poula Dulavík 5, Rebekka Zachariassen 4, Haruka Gima 3, Karina B. Høgnisen 3, Emmy Kass 2, Vár D. Poulsen 1.
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
KYNDIL | 8 | 237 | 186 | 51 | 12 |
H71 | 6 | 187 | 135 | 52 | 11 |
STJØRNAN | 6 | 182 | 124 | 58 | 9 |
NEISTIN | 6 | 156 | 130 | 26 | 8 |
STÍF | 8 | 192 | 197 | -5 | 6 |
EB | 6 | 105 | 192 | -87 | 2 |
VB | 8 | 161 | 256 | -95 | 0 |