- Í løtuni fiska trý partrolapør upsa, og skipini fáa eisini nakað av toski, hýsu, longu og øðrum hvítfiski. Eitt par fiskar gullaks.
Hetta vita tey á Fiskamarknaði Føroya at siga.
Um djúpvatnstrolararnar verður sagt, at tríggir eru á Íslandsrygginum, har teir fáa mest av toski, umframt nakað av svartkalva og blálongu.
Ein djúpvatnstrolari er á ísfiskaveiði í bretskum sjógv og fiskar svartkalva, og ein frystitrolari fiskar eisini svartkalva.
Av teimum smáu trolbátunum, er ein á landleiðini. Teir fáa mest av flatfiski og so nakað av toski.
Ein trolbátur er norðanfyri og fær mest av hýsu og toski og so nakað av flatfiski og longu.
- Báðir trolbátarnir koma inn at landa í vikuni, og lagt verður aftrat, at nú eru dagarnir hjá fleiri av trolbátunum á landleiðini við at verða brúktir.
At enda verður sagt um garnaskipini, at trý eru á svartkalvaveiði.
- Skipini hava brúkiligan fiskiskap, og øll koma inn at landa í vikuni, vita tey á Fiskamarknaði Føroya at siga.
