Russland hevur í nátt framt sítt higartil størsta »kamikaze-dronuálop« ímóti Ukraina.
Tað upplýsir ukrainska flogvápnið sambært tíðindastovuni Reuters.
Álopið var serliga ætlað høvuðsstaðnum Kyiv, har vitni hava hoyrt spreingingar í nátt.
Tvey fólk sigast vera særd í sambandi við álopini, upplýsir borgarstjórin í Kyiv, Vatali Klitscheko, á boðtænastuni Telegram sambært AFP.
Ein íbúðarbygningur í ukrainska høvuðsstaðnum er skaddur av vraklutum frá eini niðurskotnari dronu. Bjargingartænastur arbeiða í løtuni við at fáa tvær kvinnur úr húsaleivum, leggur borgarstjórin afturat.
Fleiri staðni í býnum eru sambært Klitscheko eldur í, eitt nú í einum barnagarði.