Í kvøld var granna- og føroyingauppgerð í næstbestu donsku hondbóltsdeildini.
Í Vejlby-Risskov høllini tóku Niklas Højgaard Hanusarson og liðfelagarnir í IK Skovbakken móti Peter Krogh, Teis Horn Rasmussen og liðfeløgunum í Aarhus HC.
Aarhus HC vann ein tepran 31-29 sigur. Í steðginum var Aarhus á odda 15-14. Tá 45 minuttir vóru farnir av dystinum eydnaðist tað Skovbakken at koma upp á javnleik 24-24, men heimaliðið var ongantíð á odda í dystinum.
Niklas skoraði eitt mál fyri Skovbakken, og Teis skoraði fýra mál fyri Aarhus.
Aarhus er nummar seks í deildini við 23 stigum. Skovbakken er fjórðaftast í deildini við 10 stigum.
Sunnudagin klokkan 16.30 tekur Aarhus móti Grindsted á heimavølli. Sama dag klokkan 15 spælir Skovbakken eisini heimadyst móti Skive.
