Elias Ellefsen á Skipagøtu og liðfelagarnir í THW Kiel spældu í kvøld útidyst í týsku bundesliguni móti Erlangen.
Tað eydnaðist Kiel at halda fast í góðu gongdini og vinna dystin 31-27. Í steðginum var Kiel á odda 18-14.
Kiel er nummar fimm í bundesliguni við 22 stigum, bert trý stig aftanfyri Magdeburg og Füchse Berlin, ið eru fremst í deildini við 25 stigum.
Elias skoraði tvey mál fyri Kiel í kvøld.
Komandi fríggjakvøld spælir Kiel móti Eisenach á útivølli.
