Vandin fyri at gerast sjúkur av zikavirus er framvegis ógvuliga lítil í Evropa, tó at tríggir tilburðir hava verið í Suðurfraklandi.
Tað sigur Statens Serum Institut (SSI) á sínari heimasíðu.
Nú er so fyri fyrstu ferð staðfest, at fólk eru smittaði við illagitna zikavirusinum av mýggjabitum í Evropa.
Teir tríggir tilburðirnir eru í franska strandarbýnum, Hyeres, sum liggur millum Cannes og Marseille.
Eingin av teimum smittaðu hava verið í økjum, har vandi er fyri zikasmittu, og smitta hevur annars ikki verið staðfest í økinum.
- Tað er tí hugsandi, at fólkini eru vorðin smittað í sínum egna umhvørvi í Suðurfraklandi, og hetta er antin hent í endanum av juli ella í byrjanini av august 2019.
Statens Serum Institut vísir á, at zikavirus er fepursjúka, sum varar í einar fýra til sjey dagar, og sjúkan kann elva til heilaskaða hjá børnum.
- Sjúkugongdin er vanliga mild, men tað eru serliga kvinnur við barn, sum við herviligu smittuni kunnu draga álvarsligar skaðar á fosturið.
Hetta er so fyrstu ferð, at illgruni er um, at zikasmitta er flutt yvir á menniskju við mýggjabitum í Evropa.
- Eitt av mýggjabitasløgunum, sum kann bera smittuna, er í Suðurevropa, sigur Statens Serum Institut.
