Útróður sum livibreyð

Lítið vardi tað út­róð­r­­ar­mannin, at
Johan Dahl meinti tað í ram­­­asta álvara, tá hann bað teir menn, sum hava út­­róður sum livibreyð, bara fara og finna sær annað arbeiði, orðini vóru søgd av Løgtings­sins røðara­palli, uppá bæði ein frekan og aro­gantan mára.
Nú er kunngerð lýst, og treytin fyr at fáa A-loyvi í bólki 5 er, at ein fiskar meiri enn fyri 400.000 um árið, teir sum ikki klára tað koma niður í 5B loyvi, og eru tí bólkaðir saman við frítíðarfiskarum.
Bólkur 5 er mest samansettur av eldri fiski­­monnum, sum hava stríðst á sjónum eitt langt lív, teir eru nú blivn­ir eldri menn, og nógvir av hesum monn­um hava keypt sær ein útróðrarbát, at lívbjarga sær við. Flestir av hesum av hesum fiska við snellu og eru tað bara heilt fáir snellumenn, sum koma uppum tær 400.000 kr. og koma av tí sama niður í bólk 5B, saman við frítíðarfiskarum, sjálvt um útróðrarmaðurin bert hevur útróður sum livibreyð, men tað hevur frítíðarfiskarin ikki, tá so fiskidagarnir í bólki 5B eru uppbrúktir, so steðgar allur fiski­skapur og hvat skal útróðrar­maðurin tá liva av, tá hann hevur ein dýran bát at forrenta.
Eg fari tí at spyrja øll tykkum sum manna
Løgtingið, eisini Johan Dahl landsstýrismann í Fiskivinnumálum er tað so livandi galið í hes­um landi nú, at um ein ikki er limur í Starvsmannafelagnum - Lærarafelagnum ella siglir við Strandferðsluni, ja so hevur ein lítlan og ongan rætt, at liva og virka í tí landi sum eisini útróðrarmaðurin livir í.
Tí fari eg at heita á politikarnar, stovna ein bólk 5C til frí­tíðar­fiskarar, og lat snellu­bátarnar í bólki 5B hava loyvið. at fiska og lívbjarga sær.