Tað upplýsir brasilskt sløkkilið sambært AFP.
Sambært myndugleikunum stoyttu tyrlurnar saman í luftini, áðrenn onnur teirra datt niður á parkeringsøkið hjá einum handli, sum selur elbilar.
Eftir vanlukkuna kyknaði eldur í minst 20 bilum á økinum.
– Fráboðanir benda á, at tyrlurnar stoyttu saman í luftini og duttu niður á parkeringsplássið hjá einum elbilahandli, siga myndugleikarnir í fráboðan.
Vanlukkan hendi í býpartinum Recreio dos Bandeirantes vestarlaga í Rio de Janeiro.
Myndir frá staðnum vísa stór roykskýggj stíga upp frá bilasøluni, meðan fleiri bilar stóðu í ljósum loga.
Sambært AFP eru vanlukkur við smærri flogførum og tyrlum ikki óvanligar í Brasil, sum er fimtstørsta land í heiminum.
Í síðsta mánaði stoytti eitt lítið flogfar inn í eina bygning í býnum Belo Horizonte. Tá doyðu bæði flogskiparin og hjálparmaður hansara.
