Sigtór Petersen, landsliðsvenjari hjá U19-landsliðnum við gentum, hevur úttikið hópin, sum frá 9. til 17. september skal taka lut í Baltic Cup 2024 í Estlandi, skrivar Fótbóltssambandið.
Tríggir dystir eru á skránni, tá U19-landsliðið við gentum í døgunum 9. til 17. september fer til Estlands, har Baltic Cup er á skránni. Tann 11. september spæla Føroyar og Litava á Voru Sport stadion í Voru, og síðani verða næstu dystirnir á Tehvandi stadion í Ortepaa. Tann 13. september møta okkara gentur Estlandi, og mánadagin 16. september er mótstøðuliðið Lettland.
Næst á skránni eftir Baltic Cup er EM-undankappingin, sum verður í Serbia mánaðarskifti november-desember. Hini bæði londini í bólkinum eru Eysturríki og Kekkia. Fyrr í ár gjørdust Føroyar besti 2’arin í deild B, og okkara gentur verða tískil at finna í deild A, tá EM-undankappingin verður í heyst.
Sigtór Petersen er venjari hjá U19-gentunum, og hann hevur nú sett navn á tær 18, ið eru boðsendar til Baltic Cup 2024.
Hópurin:
Brá Zakariasardóttir, Fortuna Hjørring (Danmark)
Súsanna Laksáfoss Godtfred, B36
Astrid Poula Mittfoss, HB
Fríða Magnusardóttir Jakobsen, HB
Lisa Haraldsen, HB
Teresa Jacobsen, HB
Eydna Olsen Dalheim, Víkingur
Fríða Magnussen, Víkingur
Jóhanna Gaard, Víkingur
Anna Jørginsdóttir, Víkingur
Sólja Ernstdóttir, KÍ
Vár Johannessen, KÍ
Elspa Maria Zachariassen, KÍ
Jonnhild á Sondum, NSÍ
Natalia Dansdóttir Olsen, NSÍ
Rannvá við Streym, NSÍ
Helga Mikkelsen, NSÍ
Jakobina Bergsdóttir, Skála
