Tað sigur Jeppe Kofod, uttanríkisráðharri Danmarkar, eftir fund í Uttanlandsnevndini hjá Fólkatinginum.
– Umleið 60 fólk eru eftir á sonevnda danskaralistanum, sigur hann.
Listin er fyri danskar ríkisborgarar og fólk, sum hava lógligt uppihald í Danmark.
Jeppe Kofod og Trine Bramsen, verjumálaráðfrú, sigur, at Danmark hevur evakuerað tilsamans umleið 850 fólk úr Afganistan, sum hernaðarliga islamiska rørslan, Taliban, fekk valdið á herfyri.
Trine Bramsen sigur, at tað eru bara fáir møguleikar at flyta fleiri fólk úr Afganistan.
– Tað er tí, at støðan gerst alsamt spentari, tað verður meira vandamikið at flúgva í økinum.
– Tá verjan sigur okkum í stjórnini, at nú er skjótt vandi á ferð fyri trygdini, so lurta vit sjálvandi, sigur hon.
Tjóðir úr vesturheiminum, sum hava verið í Afganistan í 20 ár, hava sett 31. august sum evstamark fyri, nær tær skulu vera farnar av landinum.
Eitt nú hevur amerikanski forsetin, Joe Biden, sagt, at tað kann vera, at átakið verður longt.
/ritzau/
