Í gjár hendi eitt ferðsluóhapp við ljóskurvarnar í Norðdepli, sum er ljósskipanin beint áðrenn byrgingina um Hvannasund.
- Tað var ein ungur førari - undir 18 ár - ið koyrdi út fyri ein bil, sum hevði grønt ljós og sostatt hevði loyvi at koyra.
Vaktleiðarin segði í morgun, at tað framgongur ikki greitt í samdøgurfrágreiðingini, hvørt unglingin koyrdi á knallert ella í bili.
Men, talan var helst um eitt prutl.
- Viðkomandi hevði ikki førararætt og er undir 18 ár. Tí er málið eisini fráboðað barnaverndini.
Løgreglan sigur, at tíbetur hendi eingin fólkaskaði í ferðsluóhappinum, og materielli skaðin var lutfalsliga lítil.
Lesið eisini:
Súkklan hjá átta ára gomlum endaði undir bilinum
https://www.in.fo/news-detail/koyrdi-ut-fyri-bil-og-endadi-a-ladssjukrahusinum
