Tað upplýsir Karoline Leavitt, tíðindaskrivari í Hvítu Húsunum, á X.
- Størsta massiva útvísingarvirksemið í søguni er væl í gongd, skrivar hon.
Sambært uppslagnum skuldu tilflytararnir hava verið burturvístir við einum hernaðarflogfari. Tað er ikki upplýst við hvørjum endamáli.
Leavitt nevnir, at millum annað er talan er um "kriminellar ólógligar tilflytarar, eisini ein illgrunasaman yvirgangsmann." Hon greiðir ikki nærri frá.
Amerikanski forsetin, Donald Trump, hevur bert verið í Hvítu Húsunum í nakrar fáar dagar, men hevur lýst fleiri avmarkingar fyri fólkaflyting.
Í setanarrøðu síni lýsti hann undantaksstøðu við markið til Meksiko og segði, at USA fer at halda fram við arbeiðinum við at byggja ein marknamúr.
/Ritzau/
