Leygarkvøldið fekk løgreglan eina fráboðan um harðskap á einum privatum bústaði í Havn.
Tað vóru tveir útlendingar, sum vóru komnir til ilnar, har annar hevði framt govan harðskap móti hinum.
Tann, sum framdi harðskapin, varð tikin við á løgreglustøðina, meðan hin álopni endaði á Landssjúkrahúsinum.
Í gjár varð harðskapsmaðurin førdur fyri ein dómara, skuldsettur fyri grovan harðskap, sum hann játtaði seg sekan í.
Maðurin fekk 60 dagar treytaða fongsulsrevsing og varð vístur úr Føroyum í fimm ár.
Vaktleiðarin á løgreglustøðini visti í morgun at siga, at tann, sum framdi harðskapin leygarkvøldið, longu er sendur av landinum.
