Fimti og síðsti dysturin í 6. umfari í Betrideildini hjá monnum varð spældur í Sarpugerði seinnapartin, har Víkingur hevði vitjan av B36.
Talan gjørdist um ein málríkan dyst, har serliga nýggi maðurin í Víkinga-uppstillingini, Andreas Lava Olsen, var eyðsýndur og gav trilvandi B36-verjuni stórar trupulleikar.
32 ára gamli kropssterki áleyparin legði Víking á odda bæði 1-0 og 2-1, og hann var eisini maðurin, sum seinni í dystinum tryggjaði Víkingi brotssparkið, ið gav heimaliðnum 4-2-leiðslu.
B36 royndi síðstu løtuna at trýsta fyri at minka um munin, men tættari enn eina roynd frá Sebastian Pingel á tvørtræið komu teir ikki, og heimaliðið fór við einum 4-2-sigri avstað við øllum trimum stigunum.
Hetta vóru trý tiltrongd stig hjá Víkingi, sum longu hevur snávað nakrar ferðir fyrr í ár, meðan B36 annan dystin á rað mátti av vøllinum við ongum stigi.
Les eisini: 18 ára gamal innskiftari tryggjaði KÍ eitt stig
Víkingur - B36 4-2 (2-1)
1-0: Andreas Lava Olsen, 20.
1-1: Árni Frederiksberg, 25 (br.)
2-1: Andreas Lava Olsen, 32.
2-2: Eli Falkvard Nielsen, 56.
3-2: Gunnar Vatnhamar, 57.
4-2: Sølvi Vatnhamar, 64. (br.)
KÍ - NSÍ 1-1 (0-0)
0-1: Petur Knudsen, 73.
1-1: Jonn Johannesen, 93.
ÍF - AB 4-2 (2-2)
1-0: Jan Ó. Ellingsgaard, 23. (br.)
1-1: Bartal S. Petersen, 26.
2-1: Ari Ó. Ellingsgaard, 29.
2-2: Tóki á Lofti, 32.
3-2: Jan Ó. Ellingsgaard, 63.
4-2: Jan Ó. Ellingsgaard, 85.
EB/Streymur - Skála 1-0 (1-0)
1-0:Tóki H. Johannesen, 12.
TB - HB 0-1 (0-1)
0-1: Dan í Soylu, 12.
-----
Støðan
1. HB, 18 stig
2. NSÍ, 13 stig
3. KÍ, 13 stig
4. B36, 12 stig
5. Víkingur, 11 stig
6. ÍF, 9 stig
7. EB/Streymur, 6 stig
8. AB, 2 stig
9. TB, 1 stig
10. Skála, 1 stig
