- Flestu línuskip eru til fiskiskap. Tvey eru farin til Íslands, meðan restin er undir Føroyum.
Á Fiskamarknaði Føroya vita tey at siga, at fiskiskapurin undir Føroyum framvegis ikki er nøktandi, sum tikið verður til. Línuskipini fáa mest av toski, hýsu, longu og brosmu.
- Vit vænta, at tvey ella trý línuskip koma inn at landa mánadagin, og síðan koma nøkur seinni í vikuni.
Lagt verður aftrat, at okkurt línuskip nýliga er farið nýggjan túr og kemur tí neyvan inn aftur at landa hesa vikuna.
Á Fiskamarknaði Føroya vænta tey, at okkurt línuskip aftrat, sum fer avstað í næstum, eisini fer til Íslands at fiska.
Streymurin verður góður, og veðrið verður eisini gott tað mesta av næstu viku. Tí verður roknað við nógvum útróðri. Útróðrarbátarnir fáa so at siga bara tosk og hýsu.
