Í kvøld er ein norðmaður vorðin stívliga 168 milliónir norskar krónur ríkari.
Hann vann nevniliga høvuðsvinningin í Viking Lotto - stívliga 168,4 milliónir norskar krónur.
Tað er slakar 110.000 milliónir í okkara peningi.
Norsk Tipping veit í kvøld at siga, at nýggi fleiri millióningurin trúði ikki tí, hann hoyrdi, tá tey ringdu til hansara.
- Tað tekur helst nakað av tí, áðrenn eg fati tað. Høvdið er púrasta tómt, og hetta kennist óveruligt, sigur maðurin.
Men, tað var ikki bara hesin eini norðmaðurin, sum í kvøld vann góðar pengar í Viking Lotto.
Ein annar maður vann aðru virðisløn, ið var á 2,9 milliónir norskar krónur, sum er slakar 1,9 milliónir í okkara peningi.
- Eini fantastisk boð. Himmal og hav, segði hann, tá Norsk Tipping setti seg í samband við hann.
