Gullrómur var á Eiðinum í Vági leygardagin, tá drongjaliðið hjá VB fekk gullheiðurmerkir handaði og steyp til ognar, tí teir 3. árið á rað eru meistarar.
VB drongirnir leiktu ímóti drongjunum hjá HB leygardagin og úrslitið var javnleikur 2 ? 2. Heiðursmerkjahandan var eftir dystin og fingu VB drongirnir gull og HB fekk silvur fyri annað pláss.
Óli Holm handaði vegna Fótbóltssambandið steyp og sum fyrrverandi formaður í VB fegnaðist hann sjálvsagt um, at steypið nú verður latið VB til ognar.
Eftir dystin var fýrverk og myndatøka og síðani móttøka í VB húsinum, fyri at heiðra drongirnar hjá VB. Fagnaður var í VB húsinum við gávum, m.a. frá Vágs Kommunu, ið eisini handaði steyp, og røður vórðu hildnar og gullrómur var í VB húsinum.
Eisini genturnar hjá VB 12 ? 14 ár hava megnað at fáa heiðursmerkir í ár og tær áttu eisini pláss í veitsluhaldinum leygardagin, sum endaði við gulldansi leygarkvøldið. Venjarar hjá drongjunum hava verið Ingi Hansen og John Christensen.
