Kjartan Johansen og liðfelagarnir í Vendsyssel høvdu í kvøld torføran dyst á útivølli í næstbestu donsku hondbóltsdeildini.
Í Sydbank Arena høllini tapti Vendsyssel 29-34 fyri Kolding, ið var á odda 17-13 í steðginum.
Kjartan skoraði fýra mál fyri Vendsyssel.
Vendsyssel er nummar sjey í deildini við 10 stigum. Skive er fremst í deildini við 18 stigum.
Í morgin klokkan 14 spæla Pauli Mittún, Pætur Mikkjalsson og liðfelagarnir í Team Sydhavsøerna dyst á útivølli móti Give. Klokkan 17.30 spæla Leivur Mortensen, Janus Dam Djurhuus, Jónas G. Djurhuus dyst á útivølli móti Odder.
