Daniel Johansen og Adrian R. Justinussen byrjaði báðir inni fyri Hillerød, ið var á vitjan hjá Kolding í dysti í næstbestu donsku fótbóltsdeildini í kvøld.
Kolding vann dystin 3-1. Casper Jørgensen hjá heimaliðnum skoraði reint hattrick.
Ein føroyskur glotti var tó í dystinum. Við støðuna 2-0 til Kolding eydnaðist tað Daniel við einum hegnisligum frísparki at snýta málverjan hjá Kolding, og minka um munin til 2-1. Tá vóru 59 minuttir leiktir av dystinum, men bert tveir minuttir seinni hevði heimaliðið økt til 3-1.
HER ber til at síggja geniala frísparkið hjá Daniel Johansen.
Talan er um fyrsta málið hjá Daniel í einum kappingardysti fyri Hillerød.
Hillerød er nummar níggju í deildini við 14 stigum fyri 13 dystir.
Roskilde uttan Hørð H. Askham tapti á heimavølli heili 1-5 (0-2) fyri oddaliðnum, OB.
Roskilde er aftast í deildini við bert fýra stigum.