VIDEO: Hæddarpunkt Týskland-Danmark 25-26

TRÝST á PÍLIN á MYNDINI, og síggj hæddarpunktini frá sera týðandi dystinum millum Týskland og Danmark í millumbólki 2 í EM-endaspælinum, sum er í Kroatia í hesum døgum.

Upptøkurnar eru frá evropeisku hondbóltssamgonguni, EHF. 

Danmark vann 26-25. Í steðginum var Týskland á odda 9-8.

Um dystin skrivaði Jóannes Hansen á in.fo fyrr í kvøld: - serliga í fyrra hálvleiki var tað langt millum, at tað eydnaðist liðunum at spæla seg til upplagdar møguleikar.

Hálvleiksstøðan var 9-8 til Týskland. Verjurnar stóðu seg væl betri enn álopini, og málverjarnir vóru ikki á tí støðinum, sum teir annars hava verið.

Í seinna hálvleiki fylgdust liðini leingi. Týskland var fleiri ferðir frammanfyri, meðan danir runnu aftaná.

Danski stórspælarin Mikkel Hansen var lítið sjónligur í fyrra hálvleiki og fyrstu minuttirnar eftir steðgin. So vísti hann seg frá síni bestu síðu í álopsspælinum. Hann skoraði nøkur avgerandi mál og í øðrum førum spældi hann liðfelagarnar leysar.

Veteranurin við føroysku ættarbondunum, Hans Lindberg, sum hevur spælt í Týsklandi síðani 2007, átti stóran leiklut. Hann umsetti fýra brotskøst til mál, og so var hann púra tryggur úr spískum. Hann skoraði níggju mál og var toppskjútti.

Onkra løtu - tá ið tað restaðu færri enn tíggju minuttir - var Danmark frammanfyri við trimum, en tað endaði 26-25. Bólturin varð dømdur frá dønum fyri drál, tá ið tað restaðu trý sekund, men týskarar megnaðu ikki at spæla seg aftur í álop, og harvið glapp møguleikin at javna teimum av hondum.

Danmark er nú í góðari støðu at vinna seg í hálvfinaluna, sum verður veruleiki, um Danmark í síðsta dystinum í miðumfarinum megnar í hvussu so er javnleik ímóti Makedonia.

Í sama bólki vann Spania fyri løtu síðani 31-20 (15-6) á Makedonia.

Støðan í EM-millumbólki 2: 

Dystarskráin komandi dagarnar: