Gongdin er tung í bestu svensku fótbóltsdeildini, Allsvenskuni hjá liðnum hjá Áka D. Samuelsen og Martini Agnarssyni, Mjällby.
Mjällby, ið er verandi meistari hevur ikki vunnið ein dyst í deildini síðani 9. mai, tá teir vunnu 4-1 á Degerfors.
Í dag tapti Mjällby á heimavølli 0-1 fyri Elfsborg, ið skoraði sigursmálið miðskeiðis í fyrra hálvleiki.
Áki spældi allan dystin, og Martin var skiftur út í 57. minutti.
Mjällby er nummar 11 í deildini við 17 stigum. Teir hava sjey stig niður til næstaftasta plássið, ið merkir beinleiðis niðurflyting aftaná lokið kappingarár. Mjällby hevur níggju stig upp til Djurgården, ið er á triðja plássinum sum gevur atgongd til evropeiskan fótbólt komandi ár.
HER ber til at síggja hæddarpunktini frá dystinum Mjällby-Elfsborg 0-1 (0-1):
##med2##
