Týskland og Spania hava vunnið seg víðari til EM-millumumfarið úr innleiðandi bólki A, ið er spældur í Boxen í Herning.
Og tað verður Týskland, ið tekur tvey stig við sær til Millumbólkin, ið verður leiktur í Boxen í Herning.
Týskland hevði aftaná skelkandi 27-30 tapið fyri Serbia knívin á barkanum undan dystinum móti Spania. Men týskarar vunnu dystin 34-32, og endaðu við at vinna bólkin. Í steðginum vóru týskarar á odda 17-15.
Renārs Uščins var við átta málum toppskjútti hjá Týsklandi. Toppskjútti hjá Spania var Jan Gurri við sjey málum.
Í sama bólki tryggjaði Eysturríki sær triðja plássið í bólkinum við at vinna 26-25 á Serbia. Í steðginum var Serbia á odda 13-12.
Tobias Wagner var toppskjútti hjá Eysturrík, og Nemanja Ilić var toppskjútti hjá Serbia. Teir skutu seks mál hvør.
Úrslitini í bólki A:
15. januar: Spania – Serbia 29-27
15. januar: Týskland – Eysturríki 30-27
17. januar: Eysturríki – Spania 25-30
17. januar: Serbia – Týskland 30-27
19. januar: Eysturríki – Serbia 26-25
19. januar: Týskland – Spania 34-32
HER ber til frá Eurohandball at síggja ein samandrátt frá sigrinum hjá Týsklandi á Spania:
##med2##
