Mikukvøldið vóru trý føroyingalið í leiki í bestu íslendsku hondbóltsdeildini hjá monnum. Harímillum var ein føroyingauppgerð.

Í høllini á Digranesi í Kópavogi tóku Trúgvi Hávardsson og liðfelagarnir í HK móti Allani Norðberg og hansara liðfeløgum í Vali.

Valur vann greiðan 38-29 sigur. Í steðginum var Valur á odda 17-15.

Trúgvi skoraði bara eitt mál upp á fýra málroyndir, men hann legði upp til heili 11 mál hjá heimaliðnum, og var harvið staðfestur at vera besti leikarin hjá heimaliðnum.

Allan skoraði tvey mál fyri Val.

Valur hevur fýra stig fyri tríggjar dystir. HK hevur enn fyrsta stigið til góðar í kappingini.

Á Selfossi eydnaðist tað Tóka Fríðrikssyni, Jóhannes Bjørgvin og liðfeløgunum at knógva javnleik 34-34. Í steðginum var Stjarnan á odda 19-17. Tóki skoraði tvey mál og Jóhannes skoraði eitt mál.

Selfoss var á odda 31-27, men seinastu løtuni hevði Stjarnan ein góðan endaspurt.

Stjarnan hevur eitt stig aftaná tríggjar dystir.