Vit hava samrøðu við nýggja Próstin, Mariu Jørðdal, sum fekk eina harða byrjan sum próstur, tí dagin eftir hon fekk starvið sum próstur, fekk hon eisini staðfest krabbamein.
Annars ætlaði hon sær ongantíð at verða prestur, men tað var ein ávís hending, sum fekk alt at fella upp á pláss.
Slaktið er í hæddini og tí sambandi hava vit samrøðu við ein fyrrverandi bónda, sum hevur eina serliga uppskrift upp á at fáa gott skerpikjøt úr hjallinum - og vit tosa eisini við ein annan bónda, sum turrisliga heldur fyri, at mann skal vera passaliga býttur fyri at tíma tað lívið.
Og hjá IRF hevur stjórin roknað seg fram til, at hvørt ár koyra vit mat frá slaktinum í skrell, sum annars er nokk at breyðføða allar Føroyar í meiri enn ein mánað.
Vit tosa eisini við nakrar føroyskar tónleikarar í útlegd. Kristel Lisberg býr í Keypmannahavn og í dag ásannar hon, at ikki øll gerast stór nøvn og tað hevur eisini broytt tónleikadreymin.
Símun Kunoy, sum nú eitur Símun Von Kony, býr á Fjóni og hóast hann er komin upp í árini, er tónleikurin framvegis ein stórur partur av gerandisdegnum
Myrna Hansen bygt sær eina tilveru í Stockholm - hon heldur, at kanska vóru Føroyar og smáar fyri hana.
Hjá Sigrid Rasmussen, sum býr í Ålborg, tók lívið eina nýggja vend eftir at hon fekk krabbamein - og eina uppsøgn.
Sveinur Kjær Gaard, gjørdust kendur tá ið hann var í finaluni í X-factor í 2012. Í dag arbeiðir hann á psykiatriska økinum í Esbjerg, hevur familju - og nýggjar tónleikaætlanir.
Í blaðnum tosa vit eisini við stjórar og ábyrgdarfólk í fleiri fyritøkum um hvussu tað gongur og hvørjar framtíðarætlanir tey hava.
Ein av nógvu søgunum er, at vit hava aftur fingið beinleiðis ferðasamband ímillum Suðuro og Skotland. Nýggja farleiðin gevur okkum nýggjar møguleikar og vit kunnu framleiða meira við einum álítandi og føstum sambandi úr Suðuroynni, sigur Hanus Jacobsen.
