Nýggi felagsskapurin, Skills Føroyar, er stovnaður í samstarvi millum Føroya Handverksmeistarafelag, Føroya Handverkarafelag og Landsfelag handverkaranna. Endamálið er at skapa ein sterkan pall fyri menning av yrkisfakligum førleikum.
Stovnararnir eru ernir av átakinum, sum teir síggja sum eitt týdningarmikið stig í arbeiðinum at gera handverksfakini meira sjónlig og at styrkja teirra støðu á føroyska arbeiðsmarknaðinum.
Høvuðsendamálið hjá Skills Føroyum er at skipa fyri FM-kappingum fyri lærlingar og ung fakfólk innan fyri ymisk handverksfak. Kappingarnar skulu geva luttakarunum møguleika at vísa síni fakligu evni, fáa virðismiklar royndir og samstundis eggja fleiri ungum at velja eina yrkisútbúgving.
Umframt FM-kappingar er eitt langtíðarmál at knýta føroyskar lærlingar at altjóða kappingarumhvørvinum, har bestu ungu handverkarar í heiminum kappast og læra av hvørjum øðrum.
Við at stovna Skills Føroyar vilja stovnararnir:
- fremja dygd og framúrskarandi arbeiði í yrkisútbúgvingum
- styrkja stoltleikan í handverksfakunum
- eggja fleiri ungum at velja eina yrkisútbúgving
- geva føroyskum lærlingum møguleika at kappast bæði í Føroyum og á altjóða stigi
Stovnararnir eru sannførdir um, at sterkar yrkisútbúgvingar eru ein týðandi fortreyt fyri framtíðina á føroyska arbeiðsmarknaðinum. Við Skills Føroyum vilja teir skapa ein varandi pall, sum heiðrar handverk, nýhugsan og fakligan stoltleika.
