Vodafonedeildin: Hóast klaksvíkingar pressaðu nógv síðsta hálva tíman, so megnaðu teir einki at gera við tvey mála leiðsluna, sum EB/Streymur tryggjaði sær í tjúgu minuttir. Við 2-0 sigri á heimavølli ímóti KÍ hevur EB/Streymur í kvøld orduliga spælt seg upp í aftur oddastríðið í fremstu fótbóltsdeildini.
Allan 1. hálvleik hevði heimaliðið við Margáir bóltin nógv tann størsta partin av tíðini, meðan klaksvíkingar løgdu størsta dentin á at verja tað, teir høvdu við sær.
Tríggjar minuttir undan steðginum fekk EB/Streymur hol á. Málskjútti var Arnbjørn Hansen, sum eftir uppspæl í vinstru stýrdi bóltin í málið.
2. hálvleikur var stórt korter gamal, tá ið Hans Pauli Samuelsen við sera snildum skoti dygst niður við stólparótini setti bóltin í málið.
So var 2-0, og alt tóktist avgjørt. Úrslitið gjørdist 2-0 til EB/Streym, sum síðsta hálva tíman hevði nóg mikið við at verja.
Eftir at teir vóru komnir aftur um við tveimum málum, vaknaðu teir bláu úr Klaksvík, og teir vóru ofta vandamiklir í brotsteiginum hjá mótstøðumonnunum, men teir vóru sørir í málskjótingini.
EB/Streymur-KÍ 2-0 (1-0)
1-0: Arnbjørn Hansen 39.
2-0: Hans Pauli Samuelsen 60.
Dómari: Lars Múller
EB/Streymur: René Tórgarð - Bárður Olsen,, Egil á Bø, Marni Djurhuus, Alex José dos Santos - Pætur Dam Jacobsen (Gert Hansen, 83.), Levi Hanssen, Sorin Anghel, Hans Pauli Samuelsen (Daniel Udsen, 75.) - Arnbjørn Hansen, Arnar Dam (Leif Niclasen, 75.)
Gult kort: Pætur Dam Jacobsen
KÍ: Gunnar á Steig - Rudolf Eliasen, Oddmar á Lakjuni, Jógvan Isaksen, Ísak Simonsen -
Álvur F. Christiansen (John Hammer, 85.) - Kristoffur Jacobsen, Høgni Madsen, Nenad Stankovic (Ivan Joensen, 90.), Hjalgrím Elttør - Philip Djordjevic (Henry Heinesen, 58.)
65 min.
2-0
Eingin ivi er um, at heimaliðið fer at vinna øll stigini.
Hans Pauli Samuelsen hevur við fínum skoti lagt bóltin í málið aftanfyri Gunnar á Steig.
45 min.
1-0
Stutt undan hvíldini hevur EB/Streymur fingið hol á, og enn eina ferð er staðfest, at Arnbjørn Hansen er týdningarmikil maður hjá sundalagsmonnum.
Eftir uppspæl í vinstru og innlegg frá Hans Paula Samuelsen stýrdi Arnbjørn Hansen bóltin inn um Gunnar á Steig í KÍ málinum.
25 min.
0-0
Ikki serliga intens byrjan, og støðan er framvegis málleysur javnleikur.
EB/Streymur-KÍ kl. 19.00
Dómari: Lars Múller
EB/Streymur: René Tórgarð - Bárður Olsen,, Egil á Bø, Marni Djurhuus, Alex José dos Santos - Pætur Dam Jacobsen, Levi Hanssen, Sorin Anghel, Hans Pauli Samuelsen - Arnbjørn Hansen, Arnar Dam
KÍ: Gunnar á Steig - Rudolf Eliasen, Oddmar á Lakjuni, Jógvan Isaksen, Ísak Simonsen -
Álvur Christiansen - Kristoffur Jacobsen,
Høgni Madsen, Nenad Stankovic,
Hjalgrím Elttør - Philip Djordjevic
