Sunnukvøldið hin 20. november fer Jón Eliassen úr Leirvík at hava eina klaverkonsert í Mentanarhúsinum í Fuglafirði. Jón er bert 21 ár og hevur spælt klaver, síðani hann var smádrongur.
Tað er serliga tað klassiska, sum hann er mest kønur í, og sunnukvøldið fer hann at vísa síni kynstur og fer at framføra fleiri klassisk verk. Spæld verða millum annað verk av Mozart, Bach og Chopin. Okkurt hjá tí franska Claude Debussy verður eisini at hoyra.
Konsertin byrjar klokkan 19, og í steðginum verður ókeypis kaffi, te og køkur at fáa.
Kostnaðurin fyri konsertina í Mentanarhúsinum í Fuglafirði sunnukvøldið hin 20. november er 80 krónur.
