35 ára gomul róði einsamøll um Atlantarhavið

Linda Evenstad Emilsen róði gjøgnum fleiri stormar, og á ferðini um Atlantarhavið koppaði árabáturin hjá henni tvær ferðir.

Norska kvinnan, 35 ára gamla, Linda Evenstad Emilsen, er onnur kvinnan úr Noregi, sum einsamøll hevur róð teinin um Atantarhavið.

 

Ferðin hjá henni um hav í átta metrar langa árabátinum tók 113 samdøgur.

 

Á myndini ovast veittrar hon við norska flagginum, eftir at hon er komin til karibisku oynna, Antigua, sum eisini var málið hjá henni.

 

- Føtur mínir vóru ógvuliga tungir. Tað var, sum hevði eg betongklossar á føtrunum. Tað mól ikki fyri mær, men eg var ikki í javnvág, tá eg kom til lands.

 

Soleiðis lýsir Linda Evenstad Emilsen løtuna, tá hon setti føtur sínar á land eftir 113 dagar á havinum.

 

Norska kvinnan hevur verið við í kappingini "Talisker Whisky Atlantic Challenge", har luttakararnir skulu rógva úr sponsku oynni La Gomera til oynna, Antigua, í Karibia. Hetta er ein teinur á næstan 4700 kilometrar.

 

##med2##

 

Tá hon kom til lands í Antigua, varð hon hjálpt upp úr árabátinum.

 

Linda Evenstad Emilsen hevur róð gjøgnum fleiri stormar, og á ferðini koppaði báturin hjá henni tvær ferðir. Hon hevði fýra árar við sær, tá hon loysti, og á ferðini misti hon tvær árar.

 

- Á triðja degi brotnaði tann fyrsta árin, og á trettanda degi brotnaði onnur. Tíbetur breyt eg onga ár aftrat, tí eg hevði bara fýra árar við mær á ferðini, sigur hon.

 

Meira um norsku kvinnuna, sum einsamøll hevur róð um Atlantarhavið, kann lesast á heimasíðuni hjá norska kringvarpinum - www.nrk.no

 

##med3##

 

 

 

 

 

Nógv fólk tóku ímóti, tá norska kvinnan kom til lands í Antigua.

Teinurin um Atlantshavið er næstan 4700 kilometrar.