Tað skrivar bretski miðilin The Independent.
Sambært uppskotinum skal skatturin hækka úr núverandi stigi upp í 16 prosent longu í 2026. Síðani skal hann hækka eitt prosentstig um árið, til hann nær 20 prosentum í 2030.
Pengarnir frá skattahækkingini skulu nýtast til at gera hollendska høvuðsstaðin reinari, tryggari og betri at búgva í.
Uppskotið kemur eftir, at Amsterdam í fleiri ár hevur stríðst við avleiðingarnar av stórari ferðafólkatilgongd.
Í 2024 vóru 23 milliónir gistingar hjá ferðafólki í býnum, meðan 14 milliónir dagsvitjandi eisini løgdu leiðina framvið.
Málið verður viðgjørt á fundi í býráðnum 10. juni. Síðani kann tað verða sent til endaliga atkvøðugreiðslu.
Kelda: Ritzau/The Independent.
