Í kvøld tóku Andrias Edmundsson og liðfelagarnir í Wisla Plock móti Lech Poznan í bestu pólsku fótbóltsdeildini.
Dysturin á Orlen leikvøllinum í Plock endaði við javnleiki 0-0.
Hetta er áttandi dysturin á rað, har Andrias og liðfelagarnir fáa stig. Tó eru fitt av javnleikum í teimum seinastu umførunum.
Bæði Soccerstand/Flashscore og Sofascore geva Andriasi besta karakterin av øllum leikarunum hjá Wisla Plock.
Hjá Soccerstand/Flashscore fær Andrias 7,5 (av 10), og hann fær 7,6 (av 10) frá Sofascore.
Wisla Plock er triðfremst í deildini við 28 stigum. Teir eru tvey stig aftanfyri oddaliðið, Gornik Zabrze.
Hósdagin klokkan 16 hevur Wisla Plock aftur dyst á heimavølli. Tá kemur Cracovia á vitjan.
